شعر شعبي جميل

امس الضحى عديت فـي راس قنـةفـي قنـة بـاد بعالـي سبـورهـا
بين الطـراة وبيـن ضلـع مسمـىنعـام ضلـع نايـف فـوق قورهـا
واخذت فيها قيـس مجـلاس ساعـةوآخذ واعبر فـي الليالـي وجورهـا
والينهـا تجـور وتـدور بالعـربلو ضحكت لك عام عجـل دبورهـا
عجلـة علـى عشاقهـا بانقلابـهـاتعطي النذارة قبـل وقـع معبورهـا
ما احد صفت له قدمنـا مـن عبـادهدنيا قريب يسرهـا مـن عسورهـا
ولها رحى دارت على صفوة الملـىالله يكافينـاا سبـايـب شـرورهـا
رميـت دربيلـي يمنهـا وشامـهـاوشفت العجايب واعجبتني زهورهـا
ارض عذا في القيض حلـو برادهـاعسى الحيا الجرَار يسقـي دهورهـا
ديرة رجال المجـد والعـز والثنـىهل الشجاعة يـوم كشـة ستورهـا
حامينهـا وهـم ذراهـا وستـرهـاوحجابهـا يـوم الجواهـل ودورهـا
من دونهـا بسلاحهـم تلطـم العـداوتشبع سباع المجحرة في جحورهـا
افعالهم مـا تنحصـي دون دارهـميسمع بها اللي ما حضر في جرورها
آلاد عاصي يا جبر عطبـة الشظـىليا حولـت عقبانهـا مـع صقورهـا
اهل المتاريـس يشهـد الله بفعلهـميا قامت الهيجـاء ودلـت وزورهـا
هم ربعنا بالخص مـن دون غيرهـميوم انهم في الـدار ياكثـر نورهـا
والله مـا نرضـى بجـار بدالـهـمما دامت الدنيا علـى قـرن ثورهـا
اليـوم منهـم خالـيـات ركونـهـاعايـن منازلهـم تحـاوم نسورهـا
شدوا ولافـي دبـرة الـرب حيلـةيوم اجزلوا عنهـا تعلـوا ظهورهـا
راحـوا كمـا نـو تقافـت سحايبـةليا هبـت العليـا وقامـت تكورهـا
آلاد عاصي عز مـن يعتـزي بهـمليا حـام حايمهـا وفـارت قدورهـا
وأمسيت والله ما تبي النـوم عينـيكن الحميس مـذوب فـي حجورهـا
قلـت آه يالعيـن الشقيـة عـلامـكقالت بلاي الكبـد كثـرت حرورهـا
انا ما الوم العين لـو سـال دمعهـاتبكـي بعبـرات تزايـد عبـورهـا
تبكي بدمع محفـي اطـراف خدهـاحتى ايش لو انه كثـر مـا يعورهـا
قلت اصبري ياعين والصبـر طيـبمـا يحتمـل زلاتهـا ألا صبورهـا
انا ورى ما ابكي وتبكـي ضمايـريعلى حرار حولـت مـن وكورهـا
ضلـت منازلهـم ورانـا ودونـهـاتلطم سبـور القـوم عنـا سبورهـا
مشاعـل بالليـل يمشـى بضاحهـمهـم اسـود الـدار وهـم نمورهـا
الطيب مقسمهـم مـن اول جدودهـموالله اللـي يعلـم خفايـا سرورهـا
رجالهـم كـل الـلـوازم يسـدهـايشفيك لو جالـت وطالـت دهورهـا
حمولـة ياويـهـا مــن حمـولـةفـي كـل درب وافيـات شبورهـا
نعمٍ بهم غصب على الغيض والرضَىيوم الفتن وابليـس مفتـاح سورهـا
لطامـة العايـل وحمايـة الـوطـنزحازيح يوم الغيض يملى صدورهـا
ليا ناحرت نـار المعـادي لنارهـمضياغـم روس النشامـى نقـورهـا
مثل الجمال اللـي تضـارس لحيهـاكم واحـد حطـوا بعينـه ذرورهـا
كم شيخ قـوم مـن طرفهـم منيتـهخلِي عشا لسباعهـا مـع طيورهـا
عايـن منازلهـم وعايـن زرابهـمفيها ليا وقت البعـث مـع نشورهـا
ياما كفوا فيهـا مـن الـدم الحمـرصر مضى يوم الاعـادي تزورهـا
في الصبح نواس على ذاري الخلـىوبالليل تسهر في المجالس نجورهـا
تشهد لهم السكين والقـدر والصحـنوالجار عقب الضيف يشبع بسورهـا
للجـار والضيفـان عطـف جنابهـمواهل الصخَى باللوح تكتب اجورهـا
ما قلـت فيهـم كـذب والشاهـد اللهجابـة صـدوق ماتقطـع عقورهـا


والقصيدة اطول من ذلك بكثير هذا اللي انا سمعته من كبار السن اتمنى ان تحوز على رضاكم